هنتكلم في البوست ده عن الحياة في تركيا بشكل عام في شكل سؤال و جواب 1- ايه هو موقع تركيا الجغرافي و قد ايه عدد السكان؟ هي دولة تتمتع بموقع جغرافي رائع فتركيا تقع في الشرق الأوسط. يحدها من الشمال البحر الأسود وجورجيا ومن الشرق أرمينيا وإيران ومن الجنوب العراق وسوريا والبحر المتوسط مع حدود بحرية مع وقبرص ومن الغرب بحر إيجة واليونان وبلغاريا وتقريبا عدد سكانهم حوالي 74 مليون نسمة. 2-الحياة في تركيا بتكلف قد ايه للشخص الواحد تقريبا. 3-بشكل عام الحياة في اي مكان بتختلف من شخص لاخر ومن مدينة لمدينة بس عموما في المتوسط 250 دولار كافية جدا للشخص اكل و سكن. 4-طيب قولنا شوية اسعار من عندك كده؟ مثلا كيلوا اللحمة من 35-40 ليرة تقريبا كيلوا الفراخ من 5-7 ليرة الفاكهة والخضار بتختلف من موسم لثاني بس في حدود من 0.5 الي 5 ليرة متوسط. المواصلات بتختلف من مدينة لمدينة بس متوسط 2 ليرة في المواصلة. 5-ايه اكبر المدن في تركيا؟ طبعا من غير منازع اسطنبول بس كمساحة في بلد اسمها كونيا اكبر و في مدن كمان كبيرة زي غازي عنتاب و ازمير و بورصا. 6-ايه رأيك في الشعب التركي؟ الشعب التركي عموما طيب بس و محترم ونظيف بس اوعي تنرفزه!!!!!!!!! 7-كأسرة ايه افضل مدينة ممكن الاقي فيها شغل ونعيش كويس؟ اسطنبول_بورصة_انطاليا_ازمير. 8- طيب لو طالب؟ عموما الجامعات القوية متوفرة في اسطنبول و انقرة بس لو عاوز تقلل مصاريفك يبقي عليك بالمدن الصغري؟ 9- ايه اسعار الإجارات للبيوت ليا كأسرة او طالب؟ هي البيوت بتختلف حسب المدينة والمنطقة كمان بس شقة متوسطة يعني بتكون في حدود 400-1000 ليرة و ليك يا طالب انت ممكن تاخد سكن طلابي خاص في حدود 300-600 ليرة. 10- ايه اخبار اللغة؟ لو بعرف اتكلم انجليزي كويس هل اقدر اعيش؟ الانجليزي هينفعك بعدين ان شاء الله و روح اتعلم تركي علشين الانجليزي مالهوش اي لازمة في اي لازمة في تركيا. 11-هل ممكن اشتغل في تركيا؟ ممكن في حالة معاك لغة تركي كويس. 12- ايه اخبار الدراسة في تركيا؟ الدراسة بشكل عام متطورة و الجامعات معترف قوية و معترف بيها و في برنامج اسمة تبادل الطلاب "ارسمس" بتروح اوروبا تدرس ترم علي حساب الجامعة.و خلي بالك في بوست مفصل عن الدراسة هينزل بعدين.تابعنا... 13- ازاي اقدر اعمل اقامة في تركيا؟ بكل بساطة السهل و المشهور اقامة سياحية بس لو انت طالب بتعمل اقامة طالب و في انواع كثير ليها بوست مقصل. 14- ازاي هقدر اسافر من مصر؟ اولا لو انت سنك اقل من 18 و عمرك اكبر من 50 فأنت في السليم تفتح النت و تطلع تاشيرتك وتتوكل علي الله. اما لو سنك من 18-20 فالتاشير بالنسبالك سهلة جدا من النت برضه بس سيادتك يبقي محكوم عليك بمجمع التحرير و التصريح الامني. اما بقي لو سيادتك مابين 20-45 فانت تستسلم للتاشيرة والتصريح الاثنين. وده طبعا للفيزا السياحية بس. احنا موجودين و مستعدين للاجابة علي استفساراتكم #الدراسه_فى_تركيا #علمني_شكرا